Ad Area

चर्चा बटुल्दै ‘यो दिलमा बस’ (भिडियोसहित)


दाङ ,१८ फागुन । गायक प्रेम विवश घर्ती र गायिका शान्तिश्री परियारको सुमधुर आवाजमा सजिएको लोकदोहोरी गीत ‘यो दिलमा बस’ ले छोटो समयमै दर्शकश्रोताको मन जित्दै चर्चा बटुल्न सफल भएको छ । गत शुक्रबार ‘घन थापा म्युजिक’ मार्फत सार्वजनिक भएको गीतले एक हप्ताको अवधिमा युट्युबमा दुई लाख भन्दा बढी दर्शक भ्युज प्राप्त गरेको छ ।

स्याङ्जा घरभई हाल बेलायतमा बसोवास गर्दै आएका साहित्यकार तथा गीतकार घन थापा र उनकी धर्मपत्नी कृष्णा थापाको प्रस्तुतीमा रहेको यो गीत नेपाली संगीत क्षेत्रमा छुट्टै पहिचान बनाउन सफल भएको छ । थापाको ओजिलो शब्द र गायक घर्तीको संगीत संयोजनले सिर्जना गरेको गीतले श्रोताहरूको मन छुने काम गरेको छ ।

गीतको भिडियोमा चर्चित हास्यव्यंग कलाकार तथा मोडल खबपु मगर, अस्मिता राना मगर र बालकलाकारमा सक्षम घर्तीमगर र समैरा थापामगरको अभिनय रहेको छ । निर्देशक विक्रम चौहानले सुन्दर नेपाली परिवेश र प्रेमकथालाई बालकलाकारमार्फत प्रस्तुत गरेर नयाँ प्रयोग गरेका छन् । विशेषगरी युवा पुस्ता र प्रवासमा रहेका नेपालीहरूबाट उत्साहजनक प्रतिक्रिया पाएको गायक घर्तीले बताएका छन् ।

प्रस्तुतकर्ता कृष्णा थापाले पनि दर्शकहरूले दिएको मायाप्रति आभार व्यक्त गर्दै आगामी दिनमा अझै थप गुणस्तरीय प्रस्तुति ल्याउने प्रतिबद्धता जनाएकी छिन ।

गीतको भिडियो हेर्नलाई