लुम्बिनीमा उद्योग व्यवसाय,चार महिनामा दुई अर्ब बढी लगानी
दाङ, २४ मङ्सिर । लुम्बिनी प्रदेशमा चालु आर्थिक वर्षको पहिलो चौमासिकमा उद्योगमा दुई अर्ब ८० करोड ६८ लाख ६८ हजार एक सय ९६ रुपैयाँँ लगानी थप भएको छ । प्रदेशका १२ जिल्लामा घरेलु तथा साना उद्योगमा यो लगानी थप भएको हो ।
रुपन्देहीमा ८५ करोड ४३ लाख ९३ हजार चार सय छ रुपैयाँँ, बाँकेमा ५३ करोड ८८ लाख १६ हजार रुपैयाँ, नवलपरासी पश्चिममा २५ करोड ५० लाख रुपैयाँ, कपिलवस्तुमा ३१ करोड ९७ लाख ६० हजार रुपैयाँ, दाङमा २५ करोड ७८ लाख २३ हजार ७ सय ९० रुपैयाँ उद्योगमा लगानी भएको उद्योग पर्यटन तथा यातायात मन्त्रालयका सूचना अधिकारी सन्तोषकुमार सुवेदीले जानकारी दिएका छन् ।
यसैगरी बर्दियामा १८ करोड छ लाख २५ हजार रुपैयाँ, पाल्पामा छ करोड ७४ लाख रुपैयाँ, गुल्मीमा सात करोड ५१ लाख, अर्घाखाँचीमा १८ करोड ९२ लाख रुपैयाँ, प्युठानमा एक करोड ६८ लाख रुपैयाँ, रोल्पामा दुई करोड ५४ लाख ५० हजार रुपैयाँ र रुकुम पुर्वमा दुई करोड ६५ लाख रुपैयाँ लगानी भएको मन्त्रालयले जनाएको छ ।
पहिलो चौमासिकसम्ममा प्रदेशमा एक हजार एक सय २८ वटा नयाँ उद्योग दर्ता भएका छन् । यो अवधिमा उद्योगबाट एक करोड ७६ लाख ९९ हजार चार सय सात रुपैयाँ राजस्व सङ्कलन भएको छ । रुपन्देहीमा ४८ लाख ७१ हजार आठ सय ८५ रुपैयाँ, बाँकेमा २६ लाख ८८ हजार पाँच सय रुपैयाँ, नवलपरासी पश्चिममा १० लाख १४ हजार तीन सय ९५ रुपैयाँ, कपिलवस्तुमा १५ लाख एक हजार सात सय ५० रुपैयाँ, दाङमा २४ लाख ६० हजार तीन सय ९५ रुपैयाँ राजस्व सङ्कलन भएको छ ।
यसैगरी बर्दियामा १८ लाख ३५ हजार नौ सय ४५ रुपैयाँ, पाल्पामा नौ लाख १३ हजार नौ सय ४५ रुपैयाँ, गुल्मीमा आठ लाख ८१ हजार नौ सय ९५ रुपैयाँ, अर्घाखाँचीमा दुई लाख ६९ हजार आठ सय २५ रुपैयाँ, प्युठानमा चार लाख आठ हजार चार सय १० रुपैयाँ, रोल्पामा छ लाख ९४ हजार आठ सय ९५ रुपैयाँ र पूर्व रुकुममा एक लाख ५७ हजार पाँच सय ४० रुपैयाँ राजस्व सङ्कलन भएको मन्त्रालयका सूचना अधिकारी सुवेदीले जानकारी दिएका छन् ।
प्रदेशमा चार महिनामा पाँच सय १९ महिला र नौ सय ३३ पुरुष उद्यमी भएका छन् । यसै गरेर एक हजार छ सय ४७ महिला र तीन हजार ३५ जना पुरुषले रोजगार प्राप्त गरेका छन् । पहिलो चौमासिकसम्ममा रुपन्देहीमा दुई सय ९१ वटा, बाँकेमा दुई सय ४२ वटा, नवलपरासी पश्चिममा एक सय १२ वटा, कपिलवस्तुमा एक सय ३० वटा, दाङमा एक सय ४२ वटा दर्ता भएका छन् । यसैगरी बर्दियामा ८९ वटा, पाल्पामा ३० वटा, गुल्मीमा १५ वटा, अर्घाखाँचीमा २८ वटा, प्युठानमा आठ रोल्पामा २४ वटा र पूर्व रुकुममा १७ वटा नयाँ उद्योग दर्ता भएको मन्त्रालयले जनाएको छ । यो अवधिमा चार हजार ४८ वटा उद्योग नवीकरण भएका छन् ।
जसमध्ये रुपन्देहीमा नौ सय ८२ वटा, बाँकेमा चार सय ५८ वटा, नवलपरासी पश्चिममा दुई सय १० वटा, कपिलवस्तुमा पाँच सय १० वटा, दाङमा पाँच सय ६४ वटा उद्योग नवीकरण भएका छन् । यसैगरी बर्दियामा तीन सय ६४ वटा, पाल्पामा तीन सय ४० वटा, गुल्मीमा दुई सय ४१ वटा, अर्घाखाँचीमा ३४ वटा, प्युठानमा ८६ रोल्पामा दुई सय ३२ वटा र पूर्व रुकुममा १६ वटा उद्योग नवीकरण भएका छन् । पहिलो चौमासिक सम्ममा रुपन्देहीमा एक सय १७ वटा, बाँकेमा ७३ वटा, नवलपरासी पश्चिममा ४३ वटा, कपिलवस्तुमा ६२ वटा, दाङमा एक सय नौ वटा उद्योग बन्द भएका छन् ।
यसैगरी बर्दियामा ६४ वटा, पाल्पामा ९१ वटा, गुल्मीमा एक सय ३१ वटा, अर्घाखाँचीमा चार वटा, प्युठानमा २१ रोल्पामा २१ वटा र पूर्व रुकुममा छ वटा उद्योग बन्द भएको मन्त्रालयका सूचना अधिकारी सुवेदीले जानकारी दिएका छन् । कात्तिक मसान्तसम्ममा एक हजार पाँच सय १२ वटा उद्योगले संशोधन गरिएका छन् ।
वाणिज्यतर्फ दुई अर्ब ४३ करोड बढी थप
पहिलो चौमासिकसम्म वाणिज्यतर्फ दुई अर्ब ४३ करोड १८ लाख ८० हजार सात सय ७७ रुपैयाँ लगानी थपिएको छ । यस अवधिमा एक हजार पाँच सय २४ वटा वाणिज्य फर्ममार्फत् यो लगानी थप भएको हो । प्रदेशका १२ जिल्लामा यो सङ्ख्यामा वाणिज्य फर्म थपिएका हुन् । यो अवधिमा चार हजार तीन सय ८६ फर्म नवीकरण भएका छन् भने सात सय ८२ वटा वाणिज्य फर्म बन्द भएको मन्त्रालयको पहिलो चौमासिक तथ्याङ्कले देखाएको छ । यसैगरी एक हजार छ सय ७६ वटाको संशोधन गरिएको छ । वाणिज्य फर्मबाट चार महिनाको अवधिमा दुई करोड २४ लाख ८१ हजार एक सय १९ रुपैयाँ राजस्व सङ्कलन भएको मन्त्रालयले जनाएको छ ।