प्रजातन्त्र सेनानी संघ दाङ गठन
दाङ, २४ मङ्सिर । नेपाली कांग्रेसको भ्रातृ संगठन नेपाल प्रजातन्त्र सेनानी संघ दाङको नयाँ कार्यसमिति गठन गरिएको छ । नेपाल प्रजातन्त्र सेनानी संघ दाङ तदर्थ समितिका अध्यक्ष हरि सुवेदी ‘जरा’ को अध्यक्षता तथा नेपाली कांग्रेस दाङ जिल्ला सभापति शंकरप्रसाद डाँगीको प्रमुख आतिथ्यतामा आतवार घोराहीमा भएको अधिवेशनले सुवेदीको अध्यक्षतामा नयाँ कार्यसमिति गठन गरेको हो ।
संघको जिल्ला उपाध्यक्षमा रामकुमार अनाडी, सचिवमा नन्दकुमार धिताल, कोषाध्यक्षमा पुष्करराज मजगैयाँ रहेका छन् । यसैगरी सदस्यमा छवि बस्नेत (एमसी), चन्द्रमणि आचार्य, चन्द्रबहादुर थापा, मणिकर्णा कँडेल न्यौपाने, निमकान्त ढकाल र भरत शर्मा रहेका छन् । अधिवेशनले केन्द्रीय प्रतिनिधिमा निर्मल देवकोटा, खिमबहादुर बस्नेत र टोपेन्द्र रेग्मी ‘तन्नेरी’लाई चयन गरेको छ ।
कार्यक्रममा प्रमुख अतिथि जिल्ला सभापति डाँगीको खादा ओढाएर नवनिर्वाचित कार्यसमितिलाई बधाई ज्ञापन गरेका थिए । निर्वाचन समिति संयोजक तथा नेपाली कांग्रेस दाङका पूर्वजिल्ला सभापति विरकेशवरी गौतमले नवनिर्वाचित अध्यक्षलगायत कार्यसमितिलाई प्रमाणपत्र प्रदान गर्दै शपथ ग्रहण गराएका थिए ।
अधिवेशन उद्घाटन कार्यक्रममा नेपाली कांग्रेस दाङका सचिव अर्जुन योगी, नेपाल प्रजातन्त्र सेनानी संघका केन्द्रीय प्रतिनिधिहरू विधान श्रेष्ठ, मुक्ति कँडेललगायतको उपस्थिति रहेको थियो । तदर्थ समितिका उपाध्यक्ष रामकुमार अनाडीको स्वागत मन्तव्यबाट सुरु भएको कार्यक्रमको सहजीकरण जिल्ला सचिव नन्दकुमार धितालले गरेका थिए ।