ज्ञानज्योति एजुकेशनल एकेडेमीले मनायो १५औँ वार्षिकोत्सव
घोराही, ११ फागुन । घोराही १३ डुम्मरगाउँमा रहेको ज्ञानज्योति एजुकेशनल एकेडेमीले आफ्नो १५ औँ वार्षिकोत्सव मनाएको छ । विद्यालय संचालक समितिका अध्यक्ष ओम बहादुर घर्तीमगरको अध्यक्षता तथा घोराही उपमहानगरपालिकाका नगरप्रमुख नरुलाल चौधरीको प्रमुख आतिथ्यमा आईतबार विद्यालयको नवनिर्मित भवन परिसरमा वार्षिकोत्सव मनाईएको हो ।
कार्यक्रममा प्रमुख अतिथि चौधरीले शिक्षाको घोराही उपमहानगरपालिकाका प्रमुख नरुलाल चौधरीले चौतर्फि विकासको आधार नै शिक्षा भएको बताउनुभयो । नगर प्रमुख चौधरीले शिक्षा नै सबै क्षेत्रको विकासको आधार भएको बताउनुभएको हो । उहाँले व्यवहारीक, सिपयुक्त र गुणस्तरीय शिक्षा आजको आवश्यकता रहेकोमा जोड दिनुभयो । कार्यक्रममा प्रिन्सीपल लक्ष्मीप्रसाद बुढाले विद्यालयले समयसापेक्ष शिक्षा प्रदान गर्न प्रतिवद्ध रहेको बताउनुभयो । उहाँले आगामी शैक्षिक सत्रबाट प्रविधिसहितको व्यवहारिक शिक्षालाई उच्च प्राथमिकताका साथ कार्यान्वयन गर्दै पठनपाठन गर्ने तयारी गरिएको बताउनुभयो ।
हाल करिव १ हजार विद्यार्थी अध्ययनरत ज्ञानज्योति एजुकेशनल एकेडेमी अहिले पूर्वाधार सम्पन्न व्यवस्थित नयाँ भवनबाट संचालनमा छ । जसले निकट भविष्यमा कक्षा ११ र १२ को पठनपाठन गर्न तयारी समेत गरेको बताउनुभयो ।
कार्यक्रममा प्याब्सन केन्द्रीय सचिव यादव गिरी, प्याब्सन दाङका अध्यक्ष निर्मल न्यौपाने, प्याब्सन घोराहीका अध्यक्ष बालकृष्ण वलीलगायतले ज्ञानज्योति विद्यालयले शैक्षिक क्षेत्रमा गरिरहेको अनुकरणीय कामको प्रशंसा गर्नुभयो । सहभागीले पछिल्लो समय युवाहरु लागू औषध दुव्र्यसनको सिकार भईरहेको भन्दै यसको नियन्त्रणमा अभिभावक गम्भीर हुनुपर्नेमा जोड दिनुभयो ।
शिक्षामा गरिएको लगानी जस्तै बालबालिकाको आचरण सुधारमा ध्यान दिनुपर्ने उनीहरुको भनाई थियो । विद्यार्थीहरुले विभिन्न नृत्य प्रस्तुत गरेका थिए । लुम्बिनी प्रदेश खेलकुद परिषद सदस्य कैलाश रोका मगर, विभिन्न टोल विकास संस्थाका प्रतिनिधि, छिमेकी विद्यालयका प्रतिनिधिलगायत सहभागी हुनुभएको थियो । सो अवसरमा प्रमुख अतिथि नगरप्रमुख चौधरीले नवनिर्मित विद्यालय भवन उदघाटन पनि गर्नुभयो ।
पूर्वाधार सम्पन्न विद्यालयले युग सुहाउँदो कक्षा कोठासहित प्रविधि जडान गरेर विद्यालयले पठनपाठन गरिरहेको जनाएको छ । विद्यालय व्यवस्थापन समितिका अध्यक्ष रविलाल घर्तीको स्वागत मन्तव्यबाट शुरु भएको कार्यक्रमको सहजीकरण शिक्षक थमन बस्नेतले गर्नुभएको थियो ।