महाशिवरात्रिमा पाण्डवेश्वर मन्दिरमा दर्शनार्थीको भीडभाड (फोटो फिचर)
फाल्गुन ६, २०७९
घोराही, ६ फागुन । महाशिवरात्रिको अवसरमा दाङको प्रशिद्ध धार्मिकस्थल पाण्डवेश्वर महादेव मन्दिर धारापानीमा शिवको पूजा आरधानाका लागि भक्तजन तथा दर्शनार्थीको भीड लागेको छ ।
घोराही उपमहानगरपालिका ५ धारपानीस्थीत विश्वकै अग्लो त्रिशुल रहेको उक्त मन्दिरमा बिहानैदेखि दर्शनार्थीको चहलपहल बढेको हो । महाशिवरात्रिको अवसरमा मन्दिरमा विहान ३ बजेदेखि नै भगवान शिवको पूजापाठ तथा आरधाना सुरु भएको पाण्डवेश्वर मन्दिर व्यवस्थापन समितिका अध्यक्ष गणेशप्रसाद अधिकारीले जानकारी दिनुभएको छ ।
महाशिवरात्रिको अवसरमा घोराहीस्थीत रणसिंङ दलको नेपाली सेनाको एक समुहले सलामी समेत अर्पण परेको थियो । उक्त कार्यक्रममा लुम्विनी प्रदेशका उद्योग, पर्यटन तथा यातायात व्यवस्था मन्त्री जानकीप्रसाद यादवलगायतका प्रतिनिधिसभा तथा प्रदेशसभा सदस्य,प्रमुख जिल्ला अधिकारी, प्रहरी प्रमुखलगायतका सुरक्षा निकायका प्रमुखहरुको सहभागिता रहेको थियो । मन्त्री यादवले लुम्विनी प्रदेशको समृद्धिको आधार पर्यटन र कृषि उद्योगको विकास रहेको बताउनु भएको थियो ।
लुम्विनी प्रदेश पर्यटकिय रुपमा अत्यन्त सम्भावना बोकेको क्षेत्र भएको भन्दै मन्त्री यादवले यी क्ष्ँेत्रको थप विकास गर्दै स्वदेशीसग्ँै विदेशी पर्यकटहरुलाई आकर्षित गर्ने गरि विकासका कामहरुलाई अघि बढाउनुपर्ने बताउनुभयो । ‘लुम्वनी प्रदेश पर्यटकिय विकासका लागि महत्वपूर्ण सम्भावना बोकेको क्षेत्र हो । यहाँ पर्यटकलाई आकर्षण गर्ने धेरै कुराहरु छन’,मन्त्री यादवले भन्नुभयो,‘त्यी क्षेत्रहरुको पहिचान गर्ने र गुरुयोजना बनाएर व्यवस्थीत रुपमा विकास गर्न आवश्यक छ ।’ त्यसका लागि धार्मिकसँग विभिन्न जातजाति र समुदायसँग जोडिएका कल र सांस्कृतिका विषयहरुलाई जोड्नुपर्ने बताउनुभएको थियो ।
१ लाख बढि भक्तजनहरुले पूजापाठ तथा दर्शन गर्ने अपेक्षा गरिएको मन्दिरमा सुरक्षा व्यवस्थालाई समेत कडा गरिएको जिल्ला प्रहरी प्रमुख एसपी बीरबहादुर वलीले जानकारी दिनुभएको छ । महाशिवरात्रिका अवसरमा धारापानीलगायत जिल्लाकास्थानमा शिव मन्दिरहरुमा दर्शनार्थीहरुको भिड व्यवस्थापन तथा सुरक्षा व्यवस्थापनका लागि ३ सय ५० बढी सुरक्षाकर्मी परिचालय गरिएको दाङका प्रहरी प्रमुख वलीले जानकारी दिनुभएको छ ।
