लागुऔषध ब्राउनसुगरसहित पाँच जना पक्राउ
चैत्र ८, २०७९
दाङ, ८ चैत । दाङमा लागुऔषध ब्राउन सुगरसहित पाँच जनालाई प्रहरीले पक्राउ गरेको छ । प्रहरीले उनीहरूलाई ९.२३० ग्रामसहित पक्राउ गरेको जिल्ला प्रहरी कार्यालय दाङका प्रहरी नायव उपरिक्षक एवं प्रवक्ता राजनकुमार गौतमले जानकारी दिनुभएको छ ।
प्रहरी नायव उपरिक्षक गौतमका अनुसार पक्राउ पर्नेहरूमा गढवा गाउँपालिका–४ अजगढवा निवासी ३५ बर्षीय सद्दाम मनिहार, वडा नं. २ निवासी २५ बर्षीय मनोज चौधरी, वडा नं. ४ निवासी २४ वर्षिय अनिल पछाई, वडा नं. ४ निवासी २७ बर्षीय प्रदीप चौधरी र घोराही उपमहानगरपालिका– १५ निवासी १९ बर्षीय त्रिशक्ति बर्तौँला रहेका छन् ।
गढवा गाउँपालिका–४ पर्सास्थीत खाली घरमा मंगलवार राती लागुऔषध बसिरहेको भन्ने गोप्य सूचनाका आधारमा इलाका प्रहरी कार्यालय गढवाकी प्रहरी निरीक्षक नविन ओलीको नेतृत्वमा गएको प्रहरी टोलीले उनीहरुलाई पक्राउ गरेको थियो ।
