ट्रक दुर्घटना हुँदा दुई जना घाइते
साउन १३, २०८०
घाेराही, १३ साउन । दाङमा ट्रक दुर्घटना हुँदा दुई जना घाइते भएका छन् ।
जिल्लाकाे कृष्णसेन ईच्छुक मार्ग अन्तरगत लमही- घाेराही सडक खण्डकाे चाैपट्टा नजिक शनिबार मध्यान्ह करिव १२ बजेतिर ना ४ ख ८४८७ नम्बरकाे ट्रक दुर्घटना हुँदा ट्रकमा सवार दुई यात्रु घाईते भएका हुन् ।
घाेराही उपमहानगरपालिका वडा नम्बर ३ काे भैंसी बगाउने खाेला नजिक घाेराही तर्फ जाँदै गरेकाे ट्रक उकालाेमा टायर पन्चर भई राेक्ने क्रममा ब्रेक नलागेपछि सडकबाट तल खाेल्सामा खसेकाे छ ।
ट्रकका चालक र सहचालक हाम फालेर वच्न सफल भएपनि ट्रकमा सवार करिव १५-१६ वर्षका दुई किशाेरीहरु घाईते भएका छन् ।
उनीहरुकाे उद्धार गरि राप्ती स्वास्थ्य विज्ञान प्रतिष्ठानमा उपचारका लागि पठाईएकाे छ । घाईते दुवै जनाकाे पहिचान खुल्न बाँकी छ ।
