संयुक्त व्यवसायिक प्यानलका उम्मेदवार घरदैलोमा

---

दाङ, ८ असोज । यही असोज १३ गते हुने दाङ जिल्ला उद्योग बाणिज्य संघको निर्वाचनकालागी उम्मेद्वारहरु प्यानलसहित प्रचारप्रसारमा रहेका छन् । उम्मेद्वारहरुले आफ्नो पक्षमा मतदान गर्नकालागी अनुरोध गर्दै व्यवसायी मतदाताहरुलाई भेटघाट गरिरहेका छन् । यसैक्रममा बसन्त जोशी नेतृत्वको संयुक्त व्यावसायी प्यानलका उम्मेदवारहरूले आफ्नो चुनावी प्रचारप्रसारलाई तीव्र बनाएका छन् ।

निर्वाचनमा आफुले उठाएका एजेण्डासहित संयुक्त व्यवसायिक प्यानलका उम्मेदवारहरु मतदाताको घरदैलोमा पुग्ने र बुझाउने काम गरिरहेका छन् । त्यसक्रममा मतदाताबाट सकारात्मक सुझावसँगै जितको सुभेच्छा समते दिने गरेका छन् ।

व्यावसायी भेटघाट तथा घरदैलो गर्दै चुनावी प्रचारप्रसार गरिरहेको संयुक्त व्यवसायी प्यानलले सोमवार पनि घोराही उपमहानगरपालिका वडा नम्बर १३, १४, १५ का विभिन्न स्थानका व्यवसायीहरुसँग भेटघाट गरेको संयुक्त निर्वाचन प्रचारप्रसार समितिका संयोजक विश्व पौडेलले जानकारी दिएका छन् ।

सोमवार नयाँ बजार, डु्म्बरगाउँ, नयाँ बसपार्क, मिलनचोक, बुद्धि ग्यारेज, स्वर्गद्धारी हल रोड, रतनपुर चोक, पाठक चोक, गुलरिया पार्क, दिपशीखा चोकदेखी तुलसीपुर चोकलगायतका क्षेत्रमा घरदैलो गरेको उनले जानकारी दिएका छन् ।

संयुक्त व्यावसायी प्यानललाई मतदान गरि बिजयी बनाउन अपिल गर्दै उम्मेद्वारहरुले मतदाताहरुसँग मत मागेका थिए भने मतदाताहरुले आफूहरुको पक्षमा काम गर्ने संयुक्त व्यवसायिक प्यानलका सम्पूर्ण उम्मेद्वारहरुलाई मत दिने प्रतिवद्धता व्यक्त गरेका थिए ।

सुरक्षित व्यापार वर्तमानमा सम्मान भविष्यमा परिणाम, संयुक्त व्यवसायी प्यानललाई विवेकपूर्ण मतदान भन्ने मुल नाराका साथ सहित संयुक्त व्यवसायी प्यानलबाट अध्यक्षमा बसन्त जोशी, वरिष्ठ उपाध्यक्षमा नरेशकुमार श्रेष्ठ, उद्योग उपाध्यक्षमा भरतप्रसाद रेग्मी, वाणिज्य उपाध्यक्षमा लिलाराम खड्का, महासचिवमा महेन्द्र बुढाथोकी, सचिवमा विकाश वली, कोषाध्यक्षमा जगत आचार्य, सहकोषाध्यक्षमा माधव खनाल उम्मेद्वार रहेका छन् ।

यस्तै उद्योग सदस्यमा विक्रम राना, महिला सदस्यमा लिला नेपाली, वस्तुगत सदस्यमा विष्णुप्रसाद रिजाल, एशोसियट सदस्यमा युवराज पोख्रेल, वाणिज्य सदस्यमा रुद्रबहादुर जैशी, दिपक पण्डीत, निमबहादुर बुढाथोकी९टिका०, युवराज पन्त, रामप्रसाद पोख्रेल, पुष्करराज न्यौपाने, नोर्बु तामाङ (लामा) र सुरज बुढाथोकी रहृका छन् ।