बिजयको ‘रेशम फिरिरी’,युवा पुस्ताको मन जित्दै (भिडियोसहित)
दाङ,२७ फागुन । दाङ निवासी गायक बिजय परियारको गीत ‘रेशम फिरिरी’ को म्यूजिक भिडियो सार्वजनिक भएको छ । युवापुस्तालाई लक्षित गर्दै रचना गरिएको लोक आधुनिक लयमा रहेका गायक परियारको रेशम फिरिरी गीतसँगै भ्यूजिक भिडियो सांगितिक बजारमा सार्वजनिक भएको हो ।
गायक परिवारले गीतको म्यूजिक भिडियो आफ्नै ‘बिजय परियार’ युटुुब च्यानलमार्फत सार्वजनिक गरिएका छन् । लामो समयदेखि काठमाडांैलाई कर्मथलो बनाएर गीतसंगीतका क्षेत्रमा संघर्षतरत गायक परियारले पछिल्लो समय युवापुस्तालाई मध्यनजर गरेर फरक खालको गीत ल्याएको बताउँछन् ।
जातीय छुवाछुत सम्वन्धी चेतनामुलक गीत ‘जात’,माया प्रेम सम्वन्धी ‘बरु मार, एक्लै नपार’लगायतका चर्चित दर्जन बढी गीतहरु गाइसकेका गायक परियाले अहिलेको गीतले पनि छोटो समयमा सकारात्मक प्रतिक्रिया पाइरहेको बताएका छन् । गायक परियारले भने,‘गीत सार्वजनिक भएको छोटो समयमै गीतले सकारात्मक प्रक्रियासँगै भ्युज पनि बटुल्दै गैरहेको छ ।’
गीतको स्वरसँगै शब्द गायक स्वयम बिजय परियारले रचना गरेका छन भने संगीत चर्चित गायक एवं संगीतकार सन्तोष श्रेष्ठको रहेको छ । उदयराज पौडेलले एरेन्ज रहेको म्यूजिक भिडियोको कथा तथा निर्देशन तिलक ठकुरी (चिट्टी) गरेका छन् ।
मायाप्रेमलगायतका विषयवस्तुलाई समेटेर तयार गरिएको गीतको भिडियोमा चर्चित मोडेल बिजय पुन, रिया रेग्मी र अस्लिना गुरुङले अभिनय रहेको छ । सरोज शाहीले छायाँकन गरेको भिडियोको सम्पादन निराजन केसीले गरेका छन् । गीतको म्यूजिक भिडियो ललितपुरका विभिन्न ठाउँमा तयार गरिएको छ ।