टरिगाँउले चुम्यो चौथो हिरा डाँगी कप फुटबलको उपाधी

लक्ष्मण बस्नेत
तुलसीपुर, ८ मङ्सिर । दाङको तुलसीपुरमा संचालित चौथो हिरा डाँगी स्मृति कप आमन्त्रित फुटबल प्रतियोगिता २०८१ को उपाधि टरिगाउ युथ क्लब तुलसीपुर १२ ले जितेको छ । हिरा डाँगी फाउन्डेसन तुलसिपुर ५ को आयोजनामा संचालित प्रतियोगिताको फाइनल खेलमा ब्रिगेड ब्वाइज ललितपुर काठमाडौलाई २–१ गोलले पराजित गर्दै टरिगाँउ युथ क्लबले उपाधीसंगै बिजेताको ट्रफी उचालेको हो । उपाधीसंगै उसले नगद दुई लाख दुई हजार दुई सय,बिजेताको कप, मेडल, प्रमाणपत्र,हात पा¥यो ।
फाईनलमा सम्मानजक हार ब्यहोरेको ब्रिगेड ब्वाइज उपबिजेतामा सिमित रहदै नगद एक लाख एक हजार एक, कप, मेडल, प्रमाणपत्रमा चित्त बुझाउन बाध्य भयो । उल्लेख्य दर्शकले खचाखच भरिएको अरनिको खेल मैदानमा भएको कडा प्रतिस्पर्धा अनि रोमाञ्चक फाइनल खेलको पहिलो हाफ्मा टरिगाँउका जर्सी न १४ का गणेश हमालले गोल गर्दै टिमलाई १–० अग्रता दिलाउदै गर्दा ब्रिगेड ब्वाइजका जर्सी न २३ का एन्जल महर्जनले जवाफी गोल गरेर टिमलाई बराबरी गर्न सफल भए ।
त्यस्तै दोस्रो हाफ्मा टरिगाँउका जर्सी न २ का राज भुसालले गरेको गोल नै टरिगाउका लागि निर्णायक गोल बन्यो । निकै प्रतिष्पधात्मक भएको खेलमा टरिगाउँलाई जिताउन महत्वपूर्ण भूमिका खेलेका टरिगाउँका खेलाडी सन्दिप कार्की म्यान अफ द भएका थिए । यसैविच प्रतियोगिताको समापन समारोह हिरा डागी फाउन्डेसनका अध्यक्ष पोखरसिह डाँगीको अध्यक्षता तथा तुलसीपुर उपमहानगरपालिकाका प्रमुख टिकाराम खड्काको प्रमुख आतिथ्य एवं दँगीङ्गशरण गाउँपालिकाका अध्यक्ष शम्भु गिरिको विशिष्ट आतिथ्यमा भएको थियो ।
कार्यक्रमलाई सम्बोधन गदै प्रमुख अतिथी खड्काले तुलसीपुरको मुटुमा रहेको अरनिको खेल मैदान तुलसिपुरको स्तर उन्नति र पुर्वाधार बिकासलाई पहिलो प्राथमिकता राख्ने बताए । खेल बिकासको पहिलो आधार पुर्वाधार बिकास हो चार दशकको ईतिहास बोकेको अरनिको मैदानको स्तर उन्नतिका लागि आवश्यक कार्यलाई अगाडि बढाउने प्रतिवद्ता ब्यक्त गरेका थिए । साथै उनले फाउन्डेसनको एकल प्रयासले आमन्त्रित फुटबल प्रतियोगिता मार्फत देश तथा बिदेशका खेलाडिले यस भुमीमा हजारौ दर्शकका माझ खेल खेलेको देख्न पाउँदा सिङ्गो महानगर गौरवभानित भएको बताए । त्यस अवसरमा विशिष्ट अतिथी दङ्गिशरण गापाका अध्यक्ष शम्भु गिरिलगाएतले बधाई तथा शुभकामना मन्तव्य ब्यक्त गरेका थिए ।
कार्यक्रममा प्रतियोगिता अवधिभर उत्कृष्ट खेल प्रदर्शन गर्ने ब्यक्तिगत बिधा तर्फ वेष्ट प्लेयर खेलाडी ब्रीगेड ब्वाइजका रितेश गुरुङ,हाई स्कोरर युनएनबिसिका हेनरी र राईजिङ स्टारका अरुण चौधरी,वेष्ट किप्पर टरिगाउ युवा क्लका विशाल केसीलाई जनहि पाँच÷पाँच हजारका दरले नगद तथा ट्रफी प्रदान गरिएको थियो । त्यस्तै प्रतियोगितालाई भब्य एवं सभ्य बनाउन महत्त्वपूर्ण सहयोग गर्ने संघ संस्था तथा ब्यक्तिलाई सम्मान गरिएको थियो । कार्यक्रमको संचालन हिरा डाँगी फाउन्डेसनका सल्लाहकार लक्ष्मण बस्नेतले गरेका थिए ।