अर्धवार्षिक समिक्षा तथा अन्तरक्रिया कार्यक्रम सम्पन्न
घोराही, १८ माघ । घोराहीमा रहेको हातेमालो बचत तथा ऋण सहकारी सस्थाको अर्धवार्षिक समिक्षा तथा अन्तरक्रिया कार्यक्रम सम्पन्न भएको छ । संस्थाका अध्यक्ष भगवति शर्माको अध्यक्षतामा विहीवार कार्यक्रम सम्पन्न भएको हो ।
आर्थिक वर्ष २०८१र०८२ को बार्षिक बजेट तथा कार्यक्रम अनुसार संस्थाले लिएका लक्ष्यहरु समीक्षा अवधी २०८१ पुस मसान्तसम्म भए गरेका प्रगति तथा संस्थाले भोग्नु परेका कठिनाइ र चुनौतिहरुका विषयहरु छलफल गरिएको छ ।
त्यसअबसरमा कार्यक्रममा पछिल्लो समयमा केही सिमित सहकारीको क्षेत्रमा देखिएको समस्याले समग्र सहकारीलाई बदनाम बनाउने प्रयास भैरहेको भन्दै सरोकारवालाले चिन्ता ब्यक्त गरेका छन ।
सबैतिर आर्थिक मन्दिका कारण समस्या भईरहेको समयमा यस संस्थाले सदस्यको बचतलाई सुरक्षित राख्दै सबैको मन जित्न सफल भएको भन्दै प्रशंसा व्यक्त गरेका थिए । आगामी दिनमा यूवाहरुको प्रतिनित्व पनि आबश्यक रहेको सहभागिहरुको भनाई थियो ।
संस्थाका सचिव केशवदिपक न्यौपानेले अर्धवार्षिक प्रगति प्रतिवेदन प्रस्तुत गर्नुभएको थियो भने लेखा समिति संयोजक जनक शाहले समितिमार्फत हुँदै आएका कामहरुका बारेमा जानकारी गराएका हुन ।
कार्यक्रममा प्रेस काउन्सीलका सदस्य एवं सस्थाका समेत सदस्य शरद अधिकारी, शिशिर अधिकारी, लक्ष्मीप्रसाद जैसी, ओमा रावत, माधब न्यौपाने, युवराज थपलिया, लोकराज पराजुलीलगाएत बोलेका थिए ।
सस्थाका उपाध्यक्ष ऋषिराज रिजालको स्वागत मन्तव्यबाट सुरु भएको कार्यक्रमको सहजीकरण सचिव केशवदिपक न्यौपानेले गरेका थिए । सस्थाका सल्लाहकार निमानन्द भुसालले कार्यक्रमको उद्देश्य माथि प्रकाश पारेका थिए ।
हातेमालो बचत तथा ऋण सहकारी सस्थाका अध्यक्ष भगवति शर्माले अर्धवार्षिक समिक्षा तथा अन्तरक्रिया कार्यक्रमको समापन गर्दै आर्थिक मन्दिका कारण ऋण लगानि गर्न समस्या रहेको बताइन ।
उनले धेरै जसो युवाहरु बैदेशिक रोजगारमा जाने क्रम बढ्दै गएकाले पनि देशमा लगानिको पाटो कमजोर बन्दै गएको बताएकी थिइन । साथै अध्यक्ष शर्माले सस्थामा आवद्ध महिलाहरुलाई कुनै पनि उद्यममा जोडिन चाहेमा संस्थाबाट सहयोग रहने बताइन ।