घोराही महोत्सवमा सांस्कृतिक प्रस्तुति सुरू, राजनराजले नचाए दर्शक
दाङ, ३ फागुन । दाङ जिल्ला उद्योग वाणिज्य संघको आयोजनामा फागुनको १ गतेदेखि घोराहीमा सुरू भएको छैठौ कृषि, पर्यटन तथा व्यापार महोत्सव २०८१ मा चर्चित कलाकारहरूको प्रस्तुति सुरू भएको छ । महोत्सवको दोस्रो दिनदेखी राष्ट्रिय तथा स्थानीय कलाकारहरूको प्रस्तुति सुरू भएको हो ।
‘ुउद्योग, व्यापार, कृषि एवं पर्यटनको विकास, परनिर्चरमुखि अर्थतन्त्रको निकास’ भन्ने मूल नाराकासाथ आयोजना गरिएको महोत्सवमा दोस्रो दिन शनिवार चर्चित कलाकार राजनराज शिवाकोटी, रीता केसी, अनु अधिकारीलगायतले प्रस्तुति राखेका छन् ।
गायक राजनराज शिवाकोटीले करोड क्लबमा रहेका दर्जन बढि गीतहरू प्रस्तुत गरेका थिए । उनले सुर्के थैली खोई, पूर्व पश्चिम रेल, सीओडब्लू काउ, गुलेलीले हानौँ कि, चेप्टे चेप्टे पिरूंगो, गोजीमा दाम छैनलगायतका गीतहरू प्रस्तुत गरेका थिए ।
गायिका रीता केसीले जाउला कान्छी जलजला, जोडी छ झकास, भन के के गर्नुपर्छ तिम्रो साथ पाउनलाई, सुन त ए, कान्छी लगायतका आधा दर्जन बढी गीतहरू प्रस्तुत गरेकी थिइन । कार्यक्रमको सहजीकरण गायक चन्द्र शर्माले गरेका थिए ।
आईतवार प्रकाश दुतराज आउने
महोत्सवमा आईतवार कलाकारहरू रीता थापा, चन्द्र शर्मा, प्रकाश दुतराज, अपेक्षा गिरी, घनश्याम केसी, सन्दीप सेञ्चुरी, रचना चौधरी, उमा खनाल लगायतको प्रस्तुती रहने छ ।