प्रधानमन्त्री ओली आज घोराही आउँदै
दाङ,५ फागुन । प्रधानमन्त्री एंव नेकपा एमालेका अध्यक्ष केपी शर्मा ओली आज दाङको घोराही आउने भएका छन् । नेकपा एमालेको आयोजनामा आज घोराहीमा हुने बृहत् जनसभालाई सम्वोधन गर्न घोराही आउन लागेका हुन ।
सभाका लागि मञ्च व्यवस्थापन, स्वंयसेवक परिचालन,माईक तथा साउण्डसिस्टम व्यवस्थापन, प्रचारप्रसार, यातायात व्यवस्थापनलगायतका काम सम्पन्न भएको नेकपा एमालेले जनाएको छ ।
प्रधानमन्त्री ओलीले जिल्ला समन्वय समितिको मञ्चमा हुने सभामालाई सम्वोधन गर्ने कार्यक्रम रहेको एमाले दाङका अध्यक्ष शिवकुमार आचार्यले जानकारी दिएका छन् । जनसभा अघि घोराहीका चार वटा क्षेत्रबाट बिभिन्न संस्कृति झल्कने झाँकीसहितको रर्याली निकालिने एमाले दाङका उपाध्यक्ष तथा जनपरिचालन उपसमितिका संयोजक मनोहर बुढाथोकीले जानकारी दिएका छन् ।
त्यसका लागि पूर्वबाट आउने जनता ट्राफिक चोक, दक्षिणबाट आउने नेत्रलाल पार्क गुलरियाबाट, उत्तरबाट आउने सभाहलबाट र पश्चिमबाट आउनेलाई रतनपुर चोकमा जम्मा गरेर बृहत् र्र्याली निकालिनेछ । ११ बजेदेखि र्याली दामोदर चोकमा एकीकृत भएर सहिद गेट हुँदै सभास्थलमा पुग्नेछ । प्रधानमन्त्री ओलीले घोराही आउनुभन्दा पहिले राप्ती उपत्येका देउखुरीमा रहेको लुम्बिनी प्रदेशसभाकालाई सम्वोधन गर्ने कार्यक्रम रहेको छ ।