लखन थापा फुटबलमा चौघेरा स्पाेर्ट्स एकेडेमी र खोजरफ्तार विजयी
घोराही, ५ फागुन । नेपालका प्रथम शहीद लखन थापा मगरको १४८औँ स्मृतिमा आयोजित फुटबल प्रतियोगितामा सोमबार भएको खेलमा स्पाेर्ट्स एकेडेमी र खोजरफ्तारको टीम विजयी भएका छन् ।
नेपाल मगर संघ घोराही नगर समितिको आयोजनामा घोराही उपमहानगरपालिका वडा नम्बर १८ नवलपुर फुटबल मैदानमा जारी खुल्ला नकआउट प्रतियोगितामा चौघेरा स्पाेर्ट्स एकेडेमीले द युनाईटेड युथ क्लब रामपुरलाई ५–२ तथा खोजरफ्तारको टीमले राईजिङ स्टारलाई ५–० गोलले हराएको छ ।
अब प्रतियोगिता अन्तरगत मंगलबार दिउँसो १२ बजे युएनबीसी र लुम्बिनी फुटबल एकेडेमी र बीच तथा दिउँसो २ बजेपछि बिएफएल र अटल युवा क्लबबीच खेल हुने प्रतियोगिता संयोजक इराक घर्तीले जानकारी दिनुभयो । दाङसहित सल्यान, रोल्पाका गरी कुल १८ टीमको सहभागीता रहेको प्रतियोगितामा कुल १५ वटा खेल हुने प्रतियोगिता संयोजक घर्तीले बताउनुभयो ।
फागुन १० गते फाईनल खेल हुने गरी खेल तालिका सार्वजनिक गरिएको प्रतियोगिता सहसंयोजक अशोक घर्तीले जनाउनुभयो । शहीद थापा मगरको स्मृति दिवसको अवसरमा हरेक वर्ष फुटबल प्रतियोगिताको आयोजना गर्दै आइरहेको भन्दै आयोजक नेपाल मगर संघले खेलकुदको विकाससँगै शहीदको सम्मानका लागि कार्यक्रम आयोजना गरेको जनाएको छ ।
प्रतियोगितामा प्रथम हुने टीमले नगद १ लाखसहित शिल्ड, मेडल र प्रमाण पत्र पाउने छ भने द्वितीय हुने टिमलाई पचास हजार नगदसहित शिल्ड, मेडल र प्रमाण पत्र पुरस्कार दिइने छ । यसैगरी विधागत उत्कृष्ट खेलाडीलाई पनि पुरस्कृत गरिने आयोजकको भनाई छ ।