बहिरा अपांगता भएका महिलालाई च्याउँ खेती तालिम
दाङ,२७ फागुन । दाङमा बहिरा अपांगता भएका महिलालाई व्यवसायमा जोड्दै आयआर्जनमा सहयोग पु¥याउने उद्देश्यले च्याउ खेती सम्वन्धी एक दिने तालिम दिइएको छ ।
बहिरा उत्थान समाज दाङको आयोजना तथा कृषि ज्ञान केन्द्र दाङको प्राविधिक र आर्थिक सहयोगमा च्याउ खेती सम्वन्धी तालिम मंगलवार घोराहीमा दिइएको हो । बहिरा उत्थान समाज दाङकी अध्यक्ष रिता चौधरीको अध्यक्षता तथा कृषि ज्ञान केन्द्र दाङका प्रमुख नवराज भण्डारीको प्रमुख आतिथ्यतामा तालिमको उद्घाटन गरिएको थियो ।
तालिमको उद्घाटन गर्दै कार्यलय प्रमुख भण्डारीले सिपलाई व्यवहारमा लागु गर्दै आयआर्जनमा जोडिन आग्रह गरेका थिए । तालिममा जिल्लाभरका १३ जना अपांगता भएका बहिरा महिलाको सहभागीता रहेको थियो । तालिमको प्रशिक्षकमा सेतीराम बबाल र पुष्पा देवकोटा रहेको दोषाभे तुलसा लिम्बुले जानकारी दिएकी छिन् ।