नेपालगन्जको हजरत सामुदायिक वनमा वृक्षारोपण
दाङ, ३१ साउन । नेपालगन्ज नगरपालिका वडा २३ स्थित हजरत सामुदायिक वनमा शनिबार वृक्षारोपण गरिएको छ । क्लिन अप नेपाल (स्वच्छ सफा नेपाल) को आयोजना र स्ट्यान्डर्ड चार्टर बैंक नेपाल लिमिटेडको आर्थिक सहयोगमा वृक्षारोपण गरिएको हो । वातावरणीय सचेतना जगाउनु मात्र नभई समुदायलाई समृद्ध वनक्षेत्रको महत्वबारे बुझाउनु पनि रहेको 8 billion trees का planting director हेमन्त राज काफ्लेले जानकारी दिए ।
कार्यक्रमको शुभारम्भ क्लिन अप नेपाल (स्वच्छ सफा नेपाल) का कार्यकारी निर्देशक रविन्द्र लामिछानेको सभापतित्वमा पूर्व मन्त्री मोहम्मद ईस्तियाक राई प्रमुख अतिथ्यमा भएको थियोे । नेपालगन्ज उपमहानगरपालिकाका नगरप्रमुख प्रशान्त बिष्ट विशेष आतिथ्यतामा कार्यक्रम भएको हो । लुम्बिनी प्राबिधिक विश्वविद्यालका उपकुलपति डा. बिनोद ढकाल नेपाली कांग्रेस जिल्ला सचिव सुधान्सु कोईराला, स्ट्यान्डर्ड चार्टर बैंक नेपाल लिमिटेडको शाखा प्रमुख हर्मेस सोनी, प्याब्सन बाकेका अध्यक्ष बिकास बज्राचार्य, प्याप्सन नगर अध्यक्ष मानबहादुर थापा, नेपालगन्ज मोडेल एकेडेमीका प्रीन्सिपल बिज्ञान शाह, युनाइटेड विद्यालयका प्रधानाध्यापक जिवराज भन्डारी, तथा बिधालयका विद्यार्थीहरु वडा २३ का वडा अध्यक्ष, नागरिक समाजका कृष्ण प्रसाद श्रेष्ठ , लाईन्स डिस्ट्रीक गभर्नर ज्ञानेन्द्र श्रेष्ठ, लाईन्स सेक्रेटरी नरेन्द्र श्रेष्ठ २३ का बासिन्दा सहित २०० बढीको उल्लेख्य उपस्थिति थियो ।
क्लिन अप नेपाल (स्वच्छ सफा नेपालका कार्यकारी निर्देशक तथा कार्यक्रमका सभापति रविन्द्र लामिछानेले वन संरक्षणका पक्षमा वृक्षारोपणको महत्त्व बताउनुभयो, उहाले भन्नुभयो, “प्रत्येक बिरुवा एक जीवन हो यसले वातावरण मात्र होइन, हाम्रो भविष्य संरक्षित गर्छ” । यही क्रममा पूर्व मन्त्री मोहम्मद ईस्तियाक राईले राज्य स्तरबाट वनक्षेत्रमा दीगो व्यवस्थापन र सहभागी प्रणालीको आवश्यकता औँल्याउनु भयो । बिरुवा लगाउनलाई आफ्नो पहल र रुखको महत्वको बारेमा जानकारी दिनुभयो ।
नेपालगन्ज उपमहानगरपालिकाका मेयर प्रशान्त बिष्टले स्थानीय तहबाट वनसम्बन्धी दीगो पहललाई प्रवर्द्धन गर्न प्रतिबद्धता व्यक्त गर्नुभयो भने, नेपाली कांग्रेस जिल्ला सचिव शुदान्सु कोईराला, र अन्य अतिथिहरूले वनको समृद्धिका लागि समुदायको सशक्त संलग्नतालाई जोड दिनुभयो ।
स्ट्यान्डर्ड चार्टर बैंक नेपाल लिमिटेडका शाखा व्यवस्थापक हर्मेस सोनीले निजी क्षेत्रको सहभागितामा कार्यक्रम सफल भएको उल्लेख गर्दै, स्पोन्सरिंग र दीगो वन व्यवस्था प्रवर्द्धनमा बैंकले भविष्यमा पनि सहकार्य गर्ने प्रतिवद्धता व्यक्त गर्नुभयो।
प्याब्सन बाके अध्यक्षले जलवायु परिवर्तन, संरक्षण, र हरित योजना सम्बन्धी जनचेतना अभिवृद्धिको आवश्यकता औँल्याउनुभयो।
परिस्थितिअनुसार वृक्षारोपणको क्रममा स्थानीय रुखहरु महुवा, बर्रो, अमला , शिरीष , लिची , अम्बा , अर्जुन गरि २ हजार बढी विरुवाहरु लगाइएको हो।