सुनिल पुन स्मृति दोश्रो रनिङ शिल्ड फुटबल प्रतियोगिता हुने
दाङ,११ मंसिर । स्वर्गीय सुनिल पुन स्मृति दोश्रो रनिङ शिल्ड फुटबल प्रतियोगिता–२०८२ हुने भएको छ । न्यू स्टार फुटबल एकेडेमीको आयोजना तथा प्रकृति लोक सांस्कृतिक क्लबको व्यवस्थापनमा घोराही उपमहानगरपालिका–१० नारायणपुरस्थीट बिपी बाटिका खेल मैदानमा फुटबल प्रतियोगिता हुन थालेको हो ।
मंसिर १९ गतेदेखि सुरु हुने प्रतियोगिताको बिजता हुने टिमले नगद एक लाख एक हजार एक सय ११ रुपियासहित ट्रफि,मेडल र प्रमाणपत्र प्राप्त गर्नेछ । त्यसैगरी उपविजेता टिमले ५१ हजार एक सय ११ रुपैयासहित ट्रफि,मेडल र प्रमाणपत्र प्राप्त गर्नेछ । त्यसैगरी प्रतियोगितामा उत्कृष्ठ खेल प्रदर्शन गर्ने खेलाडीलाई विद्यागत रुपमा पुरस्कृत गरिने आयोजक न्यू स्टार फुटबल क्लवका अध्यक्ष खुमबहादुर वलीले जानकारी दिएका छन् ।
‘स्वास्थ्यका लागि खेल, राष्ट्रका लागि खेल’ भन्ने नाराका साथ आयोजना गरिएको प्रतियोगितामा सहभागीताका लागि मंसिर १७ गतेसम्म टिम दर्ताका लागि समय निर्धारण गरिएको आयोजक न्यू स्टार फुटबल एकेडेमीले जनाएको छ । विद्यागत रुपमा उत्कृष्ट खेलाडीलाई नगद ५ हजार, उत्कृष्ट डिफेन्डर, उत्कृष्ट मिडफिल्डर, उत्कृष्ट गोलकिपर र उदीयमान खेलाडीलाई लाई नगद ३÷३ हजारसहित मेडल र प्रमाणपत्र प्रदान गरिनेछ । प्रतियोगितामा सहभागी टोलीका लागि दर्ता शुल्क सात हजार रुपियााँ तोकिएको छ ।
खेलकुदमार्फत स्वस्थ जीवनशैली, आपसी मित्रता तथा राष्ट्रिय गौरवको भावना प्रवद्र्धन गर्ने उद्देश्यसहित प्रतियोगिता संचालन गर्न लागिएको आयोजक न्यू स्टार फुटबल एकेडेमीले जनाएको छ ।