विशाल मिलन केन्द्रलाई बास्केटबलको उपाधि
दाङ,१२ मङ्सिर । खुल्ला बास्केटबल प्रतियोगिता–२०८२ को उपाधि काठमाडौंको बिशाल मिलन केन्द्रले जितेको छ । दाङको घोराही उपमहानगरपालिका–१८ सालघारीस्थीत बास्केटबल कोर्डमा भएको प्रतियोगिताको फाइनलमा जेम्स क्लव बुटवललाई ४५–३२ ले हराउँदै खुल्ला ५÷५ बास्केटबल प्रतियोगिताको उपाधि बिशाल मिलन केन्द्रले जितेको हो ।
उपाधिसँगै बिशाल मिलन केन्द्रले नगद ४० हजारसहित ट्रफि, मेडल र प्रमाणपत्र प्राप्त गरेको हो । प्रतियोगितामा उपबिजेता भनेको जेम्स क्लव बुटवलले नगद २० हजारसहित ट्रफि, मेडल र प्रमाणपत्र प्राप्त गरेको छ । प्रतियोगितामा उत्कृष्ठ खेल प्रदर्शन गर्ने बिशाल मिलन केन्द्रका खेलाडी कर्मा तामाङ उत्कृष्ठ खेलाडीका रुपमा पुरस्कृत भएका थिए । जिल्ला बास्केटवल संघ दाङका अध्यक्ष बिपिन केसीको अध्यक्षतामा भएको प्रतियोगिताको समापन कार्यक्रममा बिजेता खेलाडीलाई पुरस्कार प्रमुख अतिथि लुम्बिनी प्रदेश खेलकुद परिषद्का सदस्य सचिव तिरणदाज गौतम र बिशिष्ठ अतिथि नेपाल पत्रकार महासंघका केन्द्रीय सचिव सविन प्रियासनले प्रदान गर्नुभएको थियो ।
कार्यक्रमलाई सम्वोधन गर्दै सदस्य सचिव गौतमले खेलकुद क्षेत्रको विकासका लागि खेल पूर्वाधारसँगै खेलाडी नियमित प्रशिक्षण र प्रतियोगिता हुन आवश्यक रहेको बताउनुभयो । योग्य र क्षमतावान खेलाडी उत्पादनका लागि तीनै तहका सरकारले खेल पूर्वाधारसँगै नियमित प्रशिक्षण र प्रतियोगिता सञ्चालनमा ध्यानदिनुपर्ने बताउनुभएको थियो । मङ्सिर ११ गतेदेखि सुरुभएको प्रतियोपिगतामा दाङ, रुपन्देही, नवलपरासी र काठमाडौंका सात वटा टिमको सहभागीता रहेको थियो । दाङ ड्रिम प्रोपटीका सञ्चालक किशोर क्षेत्रीले धन्यावाद ज्ञापन गरेको कार्यक्रमको सहजीकरण मिनराज भाटले गरेका थिए ।
प्रतियोगितालाई सफल बनाउनका लागि सहयोग गर्ने विभिन्न संघसस्थालाई सम्मान गरिएको थियो । प्रतियोगिताको टाइटल स्पोन्सरमा दाङ ड्रिम प्रोपटी प्राली र मुख्य स्पोन्सरमा डायमण्ड स्पा एण्ड बाथ सेन्टर रहेका छन् ।