पाण्डवेश्वर धाममा गेट निर्माण
दाङ, १६ फागुन । घोराही उपमहानगरपालिका वडा नं १८ फुर्सेखाली निवासी शर्मा परिवारले धारपानी धाममा गेट निर्माण गरेका छन् । स्वर्गीय रामप्रसाद पोख्रेल शर्माको स्मृतीमा श्रीमति छोरा, बुहारी, नाती नातीनाहरुले गेट निर्माण गरेका हुन् । स्वर्गीय पोख्रेलका श्रीमती देवा शर्मा पोखे्रले, छोराहरु खेमराज शर्मा (उपेन्द्र), कृष्णप्रसाद शर्मा, विष्णुप्रसाद पोख्रेल, गिरीराज शर्मा, बुहारी रञ्जना शर्मा, नाती उत्सव शर्मा र नातिनी स्तुती शर्माले गेठ निर्माण गरेका हुन ।
उनिहरुले करिब २७ लाखको लगानीमा गेट निर्माण गरेको खेमराज शर्माले जानकारी दिए । बुवाको सम्झनाका केही गर्नु पर्छ भनेर मन्दिर व्यवस्थापन समितिको सल्लाहामा धार्मिक स्थल धारपानी धाममा गेट निर्माण गरिएको उनको भनाइ छ ।
निर्माण गरिएको गेट एक कार्यक्रमको आयोजना गरि हस्तान्तरण गरिएको छ । हस्तान्तरण कार्यक्रम निर्माण कर्ता देवा पोख्रेलको अध्यक्षता तथा संगत संस्कृती संयोजक योगी पुष्पराज पुरुषको प्रमुख आतिथ्यतामा भएको थियो । कार्यममा वोल्दै प्रमुख अतिथी पुरुषले पछिल्लो समय राष्ट्रियता खतरा बढदै गएको बताए । यसको संरक्षणमा सबै लाग्नु पर्ने उनको भनाइ रहेको थियो । आफनो पहिचान खोज्न लाग्नु पर्ने बताए ।
त्यस अवसरमा धारापानी धाम मन्दिर व्यवस्थापन समितीका अध्यक्ष गणेशकुमार अधिकारी सबै दाताको सहयोगमा मन्दिर क्षेत्रको विकास अगाडि वढेको बताए । दाताको सहयोगमा नै मन्दिरको विकास यहा सम्म ल्याउन सफल भएको उनको भनाइ रहेको थियो । एक्लैले मात्र विकास गर्न नसकिने भएकाले सबैको सहयोग आवस्यक पर्ने उनको भनाइ थियो ।
भोलानाथ योगीले शर्मा परिवारले धार्मिक क्षेत्रमा गेट निर्माण गरेर यसको विकासमा सहयोग गरेको बताए । यस प्रकारको पुण्य कामले सधै स्मरणिय रहने उनको भनाइ थियो । कृष्णप्रसाद शर्माको स्वागत मन्तव्य वाट सुरु भएको कार्यक्रमको सहजिकरण मन्दिर व्यवस्थापन समितिका सचिव विष्णुप्रसाद आचार्यले गरेका थिए ।