दाङ औद्योगिक, पर्यटन तथा कृषि प्रदर्शनीको तयारी अन्तिम चरणमा
फाल्गुन २४, २०७८
दाङ, २४ फागुन । दाङ जिल्ला उद्योग बाणिज्य संघको आयोजनामा घोराहीमा सञ्चालन हुन थालेको दाङ औद्योगिक, पर्यटन तथा कृषि प्रदर्शनी २०७८ को तयारी अन्तिम चरणमा पुगेको छ । प्रदर्शनीका लागि गठित उपसमितिहरुले आआफना तयारी अन्तिममा पुगेको उपसमितिहरुले जनाएका छन् ।
दाङ जिल्ला उद्योग बाणिज्य संघको आयोजनामा ‘उद्योग व्यापार कृषि एवं पर्यटनको विकास, परनिर्भरमुखी अर्थतन्त्रको निकास’ भन्ने नाराका साथ यही फागुन २६ गतेदेखि चैत ८ गतेसम्म घोराही उपमहानगरपालिका वडा नं १४ को झिगौरामा प्रदर्शनी हुन लागेको हो । प्रदर्शनीको लागि प्रचारप्रसार, चिठी पत्र पठाउने, भेटघाट, छलफल कार्य समेत अन्त्यमा पुगेको मुल आयोजक समितिका संयोजक तथा संघका अध्यक्ष टंकसिंह वुढाथोकीले जानकारी दिएका छन ।
प्रदर्शनी स्थलमा स्टल, गेट निर्माण, मञ्च निर्माण, बाल उद्यान्नका कामको तयारी अन्तीममा पुगेको भौतिक निर्माण उपसमितिका संयोजक भरतप्रसाद रेग्मीले जानकारी दिए । प्रदर्शनीलाई मर्यादित तथा व्यवस्र्थीत बनाउन सबै उपसमितिले काम अगाडि बढाएको मुल आयोजक समितिका सहसंयोजक महेन्द्र वुढाथोकीले बताए । अहिले सबै उपसमितिहरुले आफनो जिम्मेवारी अनुसार आफनो कामलाई तिव्रता दिएको मुल आयोजक समितिले जनाएको छ ।
साहित्यीक तथा सृजना उपसमिति विस्तार गरिएको छ । उपसमितिका संयोजक जगतप्रसाद आचार्यको अध्यक्षतामा वसेको बैठकले समिति विस्तार गरेको छ । समितीको सहसंयोजमा कमलमणि देवकोटा रहेका छन् । समितिको सदस्यमा डा लोकराज पराजुली, खगराज न्यौपाने, भुवन देवकोटा, दिपक शर्मा समिर, विष्णुप्रसाद पोख्रेल रहेका छन् । समितीको बैठकले खुल्ला कविता प्रतियोगीता गर्ने निर्णय गरेको छ ।
प्रतियोगीतामा सहभागिता हुन इच्छुकहरुले यही आउदो चैत १ गतेसम्म दाङ जिल्ला उद्योग वाणिज्य संघ तथा राप्ती साहित्य परिषद्मा पठाइ सक्नु पर्ने साहित्यीक तथा सृजना उपसमितिका संयोजक आचार्यले जानकारी दिएको दाङ जिल्ला उद्योग बाणिज्य संघका सञ्चार संयोज अमरराज आचार्यले जानकारी दिए ।
