क्यानको वाग्मती अध्यक्षमा उमेदवारी दिने पारस खड्काको घोषणा
भदौ ८, २०८०
काठमाडौं,८ भदौ। राष्ट्रिय क्रिकेट टिमका पूर्वकप्तान पारस खड्काले नेपाल क्रिकेट संघ (क्यान)को वाग्मती प्रदेश अध्यक्षमा उमेदवारी दिने घोषणा गरेका छन् ।
शुक्रबार अपराह्न पत्रकार सम्मेलन गर्दै खड्काले वाग्मती प्रदेश अध्यक्षमा उठ्ने घोषणा गरेका हुन् । काठमाडौंबाट पारसलाई अध्यक्ष, मकवानपुरलाई उपाध्यक्ष, ललितपुरलाई सचिव र भक्तपुरलाई कोषाध्यक्ष दिने र ९ सदस्य पदमा आपसी समझदारीमा उमेदवारी दिइने समझदारी भएको छ ।
पारस अहिले काठमाडौं जिल्ला क्रिकेट संघको कार्यसमिति सदस्य छन् । पारसलाई काठमाडौं, भक्तपुर, ललितपुर र मकवानपुर जिल्ला क्रिकेट संघका अध्यक्षले साथ दिएका छन् ।
