तुलसीपुर ईशानले गर्यो बबईमा आँखा शिविर
जेष्ठ २६, २०८१
निरला अर्याल
दाङ,२६ जेठ । लायन्स क्लव अफ तुल्सीपुर ईशानको आयोजन तथा राप्ती आँखा अस्पतालको प्राविधिक सहयोगमा बबई गाउँपालिका निःशुल्क आँखा जाँच कार्यक्रम सम्पन्न भएको छ ।
लायन्स क्लव अफ तुल्सीपुर ईशानका अध्यक्ष ऋषि भण्डारीको अध्यक्षतमा एबं बबई गाउँपालिकामा अध्यक्ष कुलबहादुर खत्रीको प्रमुख आतिथ्यतामा शिविर सम्पन्न भएको हो । कार्यक्रममा बोल्दै प्रमुख अतिथि केसीले राज्यले गर्नु पर्ने काम सामाजिक संघसंस्थाले गरेको बताउनुभयो । सामाजिक उत्तरदायित्व बहन गर्ने उद्देश्यले तुलसीपुर इशनले बबई गाउँपालिकामा रहेका आँखाका बिरामीहरूलाई सेवा दिएकोमा खुसी व्यक्त गर्नुभयो ।
तुलसीपुर ईशानका अध्यक्ष ऋषि भण्डारीले तुलसीपुर ईशानले आफू भन्दा कम भाग्यमानीहरुलाई सेवा दिएको बताउनुभयो। मानिसको सवेदनशिल अंग आँखा हो । संसार देखने दृष्टि यदि दृष्टिविहीन भयो भने मानव जीवन अन्धकार हुन्छ । आँखा को क्षेत्रमा मात्र नभई अन्य क्षेत्रमा ईशान ले राज्यले गर्नु पर्ने जिम्मेवारी गर्दै आएको बताउनु भयो। शिविरमा २ सय २६ जनाको आँखा जाँच गरिएको नेत्र सहायक शान्ता रेग्मीले बताउनुभयो।
।
जसमा जटिल प्रकृतिका १६ जनालाई राप्ती आँखा अस्पताल रिफर गरिएको छ । १ सय २४ जनालाई चस्मा वितरण गरिनुका साथै मोतिबिन्दुको सल्यक्रिया गर्ने बिरामीलाई अस्पतालमा रिफर गरिएको आयोजकले जनाएको छ । कार्यक्रममा लायन्स क्लव अफ तुलसीपुर इशनका संस्थापक अध्यक्ष बुद्ध प्रकाश सिंह, बबई गाउँपालिकामा स्वास्थ प्रमुख हरी खड्कालगायतकाले शुभकामना राख्नु भयको थियो । संस्थाका कोषाध्यक्ष केशबराज न्यौपानेको स्वागत मन्तव्यबट सुरु भएको कार्यक्रमको सहजीकरण सहसचिव सरद शर्माले गर्नु भएको थियो ।
