अम्बिकेश्वरी क्याम्पसमा खेलकुद सप्ताह
दाङ,१२ फागुन । घोराहीमा रहेको अम्विकेश्वरी क्याम्पसमा खेलकुद सप्ताह सम्पन्न भएको छ । स्वतन्त्र बिद्यार्थी युनियन अम्विकेश्वरी क्याम्पस र अम्बिकेश्वरी क्याम्पस प्रशासनको संयुक्त आयोजनामा खेलकुद सप्ताह फागुनको ६ देखि १० गतेसम्म संचालन भएको थियो ।
सप्ताहव्यापी खेलकुद कार्यक्रमअन्तर्गत भलिवल, फुटबल, क्रिकेट, फुटसल, ब्याडमिन्टन, टेबलटेनिस, १०० मिटर दौड,रस्साकस्सी, कुर्सी दौड, बुद्धिचाललगायतका खेलकुदका कार्यक्रमहरु गरिएको स्ववियु सभापति रणबहादुर खड्काले जानकारी दिएका छन् । स्ववियु सभापति खड्काका अनुसार पहिलो पटक इ–स्पोट्र्सअंतरगत पब्जि र फ्रिफाएर पनि समाबेश गरिएको थियो ।
खेलकुद सप्ताह घोराहीका विभिन्न ठाउँमा भएका थिए । जसअन्तर्गत फुटबल लुम्बिनी एकेडेमीमा, क्रिकेट गुलरिया मैदान भएका थिए । साथै स्ववियु सभापति खड्काले खेलकुद सप्ताहलाई सफल बनाउनका लागि सहयोग गर्ने सम्पूर्णलाई धन्यवाद ज्ञापन प्रदान गरेका छन । सप्ताहव्यापी कार्यक्रमका बिजेताहरुलाई औपचारिक कार्यक्रमको आयोजना गरे पुरस्कार वितरण गरिने छ ।