शारीरिक सुगठन तथा फिट्नेस संघ दाङको अध्यक्षमा केसी
लक्ष्मण बस्नेत
दाङ, १६ फागुन । दाङ जिल्ला शारीरिक सुगठन तथा फिट्नेस संघको अध्यक्षमा अजय केसी चयन हुनुभएको छ । संघको ुशक्रबार भएको प्रथम सधारणसभा तथा अधिवेशनले केसीको अध्यक्षतामा १३ सदस्यीय नयाँ कार्यसमिति चयन गरेको हो । संघको उपाध्यक्षमा दिपेन्द्र शाह र योगेश मल्ल, सचिव लक्ष्मण बस्नेत, कोषाध्यक्ष भुपेन्द्र डाँगी रहनुभएको छ ।
संघको सदस्यमा राम भट्टराई, रिता थापा, ज्ञानुमाया बुढाथोकी, फर्साराम गौतम, माधव सुवेदी, भरत दर्नाल, पुरुषोत्तम पोख्रेल र प्रदिप बस्याल रहनु भएको छ । संघका अध्यक्ष अजय केसीको अध्यक्षता तथा दाङ जिल्ला खेलकुद बिकास समितिका कार्यालय प्रमुख राकेश परियार र लुम्बिनी प्रदेश शारीरिक सुगठन तथा फिट्नेस संघका सदस्य खिम जिएमको बिशेष उपस्थितिमा भएको अधिवेशन तथा साधारणसभा भएको थियो ।
कार्यक्रममा बोल्ने बक्ताहरुले शारीरिक सुगठन तथा फिट्नेस संघले आफ्नो वार्षिक क्यालेन्डरमार्फत जिल्लामा फिट्नेसका गतिबिति संचालन गर्न सुझाव दिएका थिए । साथै उनिहरुले शरीरको सुन्दरतासंगै स्वस्थ जीवनशैलीको मुख्य सुचकका रुपमा रहेको फिट्नेस प्रतिको बुझाईलाई फराकिलो पार्दै यसको बिकास र बिस्तारमा लाग्न नयाँ नेतृत्वलाई आग्रह गरेका थिए ।
कार्यक्रममा लुम्बिनी प्रदेश शारीरिक सुगठन तथा फिट्नेस संघका सदस्य खिम जिएम,लुम्बिनी प्रदेश स्ट्रेन्थ लिफ्टिङ संघका उपाध्यक्ष आशिष श्रेष्ठ, युवा ब्यबसायी भरत दर्नाललगाएतले शुभकामना मन्तब्य ब्यक्त गर्नुभएको थियो । त्यस अवसरमा जिल्ला क्रियाशिल फिट्नेस क्लबका संचालक तथा प्रतिनिधि,खेलाडी,खेलप्रेमी,युवा ब्यबसायी,संघका पुर्व पदाधिकारी लगाएतको उपस्थिति रहेको थियो ।
कार्यक्रमको संचालन संघका सचीव लक्ष्मण बस्नेतले गर्नुभएको थियो । यसैबिच संघको शुक्रबार बसेको पहिलो बैठकले सल्लाहकारमा आशिष कुमार श्रेष्ठ, दिपेन्द्र रिजाल, खिम जिएम,सुवर्ण बस्नेत,मन्जित बाठालाई चयन गरेको छ ।