चार वर्षीया जस्मिनलाई बोनम्यारो ट्रान्सप्लान्टमा सहयोगको आग्रह
दाङ, ६ भदौ । बोनम्यारो रोगबाट पीडित चार बर्षीय बालिकालाई उपचारमा सहयोग गरिदिन परिवारले आग्रह गरेको छ । रोल्पा त्रिवेणी गाउँपालिका–२ बाहुनपाउँ (हाल घोराही उपमहानगरपालिका–५ धौलाडाडा) निवासी चार बर्षीय बालिका जस्मिन बस्नेतको उपचारका लागि सहयोग गरिदिन परिवारले आग्रह गरेको छ ।
पीडित बालिकाको परिवारले शुक्रबार घोराहीमा पत्रकार सम्मेलनको आयोजना गरेर उपचारका लागि सहयोग गरिदिन सवैसँग आग्रह गरेको हो । घरको कमजोर अवस्थाका कारण बालिकाको उपचार गर्न समस्या रहेकाले उपचारका लागि गरिदिन परिवारले सवैलाई आग्रह गरेको छ । बालिकालका उपचारका लागि ४०देखि ४५ लाख रुपैयाँ लाग्ने अस्पतालले भनेको र उक्त पैसा परिवारसँग नभएकाले देश तथा विदेशमा रहने सम्पूर्ण नागरिकसँग परिवारले सहयोगका लागि अनुरोध गरेको छ ।
करिब चार महिनाअघि बालिका बिरामी परेपछि नेपालका विभिन्न अस्पताल हुँदै भारतको चण्डीगढस्थित स्नातकोत्तर चिकित्सा शिक्षा एवं अनुसन्धान संस्थान (उच्च बाल चिकित्सा केन्द्र) मा लगिएको र उक्त अस्पतालमा चेक गराउँदा बालिकालाई बोनम्यारो भएको पत्ता लागेको थियो । रोग पत्ता लागेपछि बालिकालाई बचाउनका लागि बोनम्यारो ट्रान्सप्लान्ट गर्नुपर्ने रत्यसका लागि करिब ४० देखि ४५ लाख रुपैयाँ लाग्ने भनेकाले अहिले आर्थिक संकलनको अभियानमा जुटेको पीडित बालिकाका हजुरबुबा खुमबहादुर बस्नेतले जानकारी दिएका छन् ।
बोनम्यारो ट्रान्सप्लान्टका लागि तीन महिनाको समय दिएपनि आर्थिक अभावका कारण एक महिना बितिसक्दा समेत उपचारका लागि चण्डीगढ लैजान नसकेको बस्नेतले बताए । ‘बालिकालाई बचाउनका लागि बोनम्यारो ट्रान्सप्लान्ट गर्नुपर्ने छ तर त्यसका लागि पैसा नहुँदा भारत लग्न सकेका छैनौं’, पत्रकार सम्मेलनमा पीडित बालिकाका हजुरबुबा बस्नेतले भने,‘सबैको सहयोगमा उपचारका लागि पैसा जम्मा भयो भने जतिसक्यो चाडै नातिनीलाई उपचारका लागि भारत लैजाने तयारीमा लागेका छौं।’
रोल्पामा भएको आफ्नो जग्गा बिक्री गर्दा पनि बिक्री नहुने अवस्थामा रहेको र बुबा कमाउनका लागि भर्खर विदेश गएपनि कमाई नहुँदा पैसा पठाउन नसक्दा उपचारमा समस्या भइरहेको बताए । आर्थिक अभावका कारण भारत लैजान नसक्दा अहिले बालिकालाई घोराहीस्थित राप्ती स्वास्थ्य विज्ञान प्रतिष्ठानको आईसीयूमा राखेर उपचार भइरहेको पीडित बालिकाका आफन्त बुद्धि केसीले बताएका छन् ।
बालिकाको उपचारका लागि आर्थिक सहयोग संकलनका लागि सबैसँग अनुरोध गरेकाले अहिलेसम्म करिब एक लाखदेखि डेढ लाखसम्म आर्थिक संकलन भएको समेत बताए । बालिकालाई बचाउनका लागि पीडित बालिकाका बुबा दीपक बस्नेतको नामको कुमारी बैंक नारायणपुर शाखामा रहेको खाता नं ०६००३२९१२१४००००१ मा वा मोबाइल नम्बर ९७६८२६१२९० मा सम्पर्क गरेर सहयोग गर्न सकिने बताएका छन्।