घोराहीमा ‘त्रिभुवननगर जेसीज मिनी म्याराथन’ हुने
दाङ,१४ मंसिर । घोराहीमा ‘त्रिभुवननगर जेसीज मिनी म्याराथन–२०८२’ हुने भएको छ । त्रिभुवननगर जेसीज घोराहीको आयोजनामा यही मंसिर २० गते घोराहीमा जेसीज मिनी म्याराथन हुने भएको हो ।
त्रिभुवननगर जेसीजले आइतवार घोराहीमा पत्रकार सम्मेलनको आयोजना गरेर मिनी म्याराथनका बारेमा जानकारी गराएको हो । समुदायमा स्वास्थ्य, सौन्दर्य,खेलकुद र सक्रिय जीवनशैली प्रवद्र्धन गर्ने उद्देश्यसहित त्रिभुवननगर जेसीज मिनी म्याराथन आयोजना गर्न थाएिको त्रिभुवनगर जेसीजका अध्यक्ष टंकबहादुर रावत ‘अनन्त’ले जानकारी दिएका छन् । अध्यक्ष रावतका अनुसार मिनी म्याराथनले स्वास्थ्य सचेतना, खेल भावना र युवा सहभागितालाई प्रोत्साहित गर्न सहयोग गर्नेछ ।
महिला र पुरषको सहभागीता हुने म्याराथनको बिजेताले नगद २५ हजारसहित मेडल र प्रमाणपत्र प्राप्त गर्नेछन । त्यसैगरी दोश्रो स्थान प्राप्त गर्नेले नगद १५ हजार, तेश्रो स्थान प्राप्त गर्नेले दश हजार र सान्त्वना स्थान प्राप्त गर्ने तीन जनालाई तीन÷तीन हजार रुपैयासहित परस्कार प्रदान गरिनेछ । त्यसैगरी जुनियरतर्फ प्रथम हुनेले सात हजार, दोश्रो हुने पाँच हजार, तेश्रो हुने तीन हजार र सान्तव्य हुने तीन जनाले एक÷एक हजार रुपैयासहित पुरस्कृत गरिने आयोजक त्रिभुवनगर जेसीजले जनाएको छ ।
प्रतियोगितामा तीन सय बढी धावक सहभागी हुने अपेक्षा गरिएको छ । म्याराथनमा सिनियरतर्फ सहभागी हुन ११ किलोमिटर र जुरियरतर्फ सहभागी हुन महिला पुरुषले तीन किलो मिटरको दुरी पार गर्नुपर्नेछ । सिनियरका लागि घोराहीस्थीत जेसीज सचिवालयबाट सहिदगेट, तुलसीपुरचोक, आर्मी व्यारेक, बुद्ध हस्पिटल चोक,पनौरा खानेपानी ट्याङ्की,प्रहरी बोर्डिङ स्कुल, बयरबटुवा पिपलबोटसम्म पुगेर पुनःत्रिभुवनगर जेसीजको सचिवालय फर्किनुपर्नेछ । जुनियरका लागि घोराही बजारमै तीन किलोमिटर दुरी तय गरिएको छ । म्याराथनमा सहभागीताका लागि सिनियरका लागि दर्ता शुल्क २ सय ५० रहेको छ भने जुनियरको निशुल्क गरिएको छ ।
त्रिभुवननगर जेसीजका अध्यक्ष टंक बहादुर रावतको अध्यक्षता तथा नेपाल पत्रकार महासघका केन्द्रिय सचिव सविन प्रियासनको प्रमुख आतिथ्यतामा कार्यक्रम भएको थियो । कार्यक्रममा बोल्दै प्रमुख अतिथि प्रियासनले मिनी म्याराथनले स्वास्थ्य नागरिक उत्पादनसँगै जिल्लामा खेल क्षेत्रको विकासका लागि सहयोग गर्ने बताए । पत्रकार सम्मेलन कार्यक्रम संयोजक जेसी बिबेक देवकोटाको स्वागत मन्तव्य तथा जेसी किरण गौतमको आस्थापाठबाट सुरु भएको कार्यक्रमको सहजीकरण महासचिव कृष्णदेव थापाले गरेका थिए ।