ट्याक्टरको पछाडि मोटरसाइकल ठोक्किँदा एकजनाको मृत्यु
देउखुरी, ३ चैत । दाङमा सवारी दुर्घटना हुँदा एक जनाको मृत्यु भएको छ । मृत्यु हुनेमा गढवा गाउँपालिका–५ बाँकी निवासी ३६ बर्षीय भानु रिजाल रहेको जिल्ला प्रहरी कार्यालय दाङका सूचना अधिकारी एवं प्रहरी नायव उपरीक्षक रेशम बोहराले जानकारी दिनुभएको छ ।
प्रहरी नायव उपरीक्षक बोहराका अनुसार मंगलवार बेलुका पौने ८ बजेको समयमा देउखुरीको हुलाकी सडकअन्तर्गत पूर्वबाट पश्चिम गढवा बजार तिर आउँदै गरेको रा १ त ३४२९ नम्बरको ट्याक्टरमा सोही दिशाबाट गढवातर्फ आउँदै गरेको रा ६ प १७६९ को मोटरसाइकल ठोक्किएर दुर्घटना हुँदा रजालको मृत्यु भएको हो ।
दुर्घटनामा गम्भीर घाइते हुनुभएका रिजालको लमही अस्पतालमा उपचारका क्रममा मृत्यु भएको प्रहरीले जनाएको छ । प्रहरीले ट्याक्टर चालक र ट्याक्टरलाई इलाका प्रहरी कार्यालय गढवामा राखेर घट्ना बारे अनुसन्धान गरिरहेको प्रहरी नायव उपरीक्षक बोहराले जानकारी दिनुभएको छ ।